النشيد الوطني لمشروع دكتور

احنا شباب مشروع دكتور اللي واقفين قصاد عينيك

مشروع دكتور اجمل صحبة اجمل اسرة من حواليك

فينا الاديب فينا الفنان فينا الممثل مسرحي

في الكمبيوتر عفاريت فينا الجريء والمستحي

احنا شباب مشروع دكتور اللي واقفين قصاد عينيك
مشروع دكتور اجمل صحبة اجمل اسرة من حواليك

شعارنا فكر مع الابداع ويامحلاه التعععاون

مادام الحب راسمالنا هنتضامن هنتضامن

هانت ياسنة سادسة

كلها ايام قلاءل وتخلص الجراحة وتتفضلكم الباطنة يا معلمين

وانا حاسس انها هتكون افضل بكتير ربنا يوفقكم

وحشتونى كلكم

عدى رمضان والعيد

واكيد الامتحانات هتعدى على خير هى احسن منهم يعنى؟!)

ليه ما نبقاش اخوات ؟؟....

الكل بيسمع الكلمتين دول لكن مين بيطبق

لو كل واحد فكر شوية هيعرف معنى الكلمة دى وتأثيرها على علاقة الناس ببعضها

انا اللى اعرفه واتربيت عليه ان لما يكون معايا مشكلة باروح وافضفض لاختى ا او اخويا

مش شرط يكونوا اخواتى الشرعيين لكن اللى اعرفه ان الاخ هو اللى يشيل عنك همومك ولو احتاجته فى اى لحظة تلاقيه قدامك

مش بس كده

لكن اخوك هو اللى لما تحتاج نصيحة يديلك ولما تغلط برضة يديلك(فوق دماغك) اهم حاجة انه بيخاف عليك

لكن للاسف اشخاص كتير بيمشوا الحياة كلها مصالح

انا بأقولهم ماتحاولوش تقربولى

واحسنلهم يتقوا شرى.....

و أخيرا....منتداكم

منتدى أسرة مشروع دكتورمستنيكم

بليز روحوا سجلوا و ضيفوا موضوعاتكم هناك

كل سنة و انتو طيبين

راضــــــــــــــــــــــــى

عيد سعيد

من دولة الكويت

أحييكم بأجمل و أعذب و أرق التحيات

و الله وحشتوني و حشتوني وحشتوني

بس مش حشمت الأعادي فيا ( عبد الراضي و عبد النعيم) و أقولهم اني زهقان و عايز أرجع

لأن ده الحمد لله محصلش. لكن بجد وحشتوني

و كل سنة و انتو طيبين و عقبال مليون عيد و احنى فرحانين و متجمعين مع بعض

ربنا يوفقكو في النشاط و انا زي ما قلت انا معاكو قلبا و قاليا و والله نفسي اشتغل معاكو في كل حرف بيتكتب

ِلكن ربنا يجمعنا في نشاط جي ان شاء الله

و حنلاقي بقية في حياتنا تكفي نعمل انشطه لحد لما نجيب آخرنا ان شاء الله
و علشان ما اطولش كل سنة و انتو طيبين
و ذنب مغفور و صوم مقبول و عمل منظور في رمضان ان شاء الله

و عيد سعيد و كحك شديد و عيدية كبيرة ان شاء الله
يلا سلامو عليكو

و زي ما قلت محدش ياخد و يفرقع الصواريخ بتاعتي

محدثكم من امام شاشات الكمبيوتر هيثم المنشاوي ... مراسل أسرة مشروع دكتور......دولة الكويت

العيد هايبقى بهجه وسرور مع كتاب الجراحة المنصور

كل سنه وانتوا مسرورين ياطلاب سادسه المقهورين

تخاريف طالب مقهور

كل سنة وانتم طيبين

من تحت أنقاض الجراحة

السلام عليكم ورحمة الله وبركاته..ده اول رسالة بابعتها بعد خروجي (المؤقت) من معمعة الجراحة..الحمد لله..بعد ماتش ساخن جدا مع الجراحة على ارضها ووسط جمهورها اقدر اقول اني خرجت متعادل ومحدش فاز على التاني لغاية دلوقت وربنا يستر في ضربات الجزاء الترجيحية اللي بعد العيد (اقصد امتحان الحالات طبعا)..بعد غياب فترة طويلة من الدخول على الموقع فوجئت بحاجات جميلة ورائعة عملوها الشباب الصغيرين (محدش يزعل من كلمة صغيرين).. الله ينور عليك ياعبد الراضي انت وعبد النعيم والمنشاوي وهيثم حسام وابو المجد ومنساش طبعا آنسات مشروع دكتور..ماشاء الله عليكو كلكم..عاملين شغل جميل في الكلية وفي الموقع ده غير المنتدى الجديد اللي عامله عبد الراضي..بجد انا فخور بيكم وبانتمائي للأسرة دي.مانساش أرحب بالأعضاء الجدد في الأسرة اللي بادئين بداية ساخنة جدا وعاملين شغل جامد انا شفته في الكلية بعد الامتحان .. بس المهم الاستمرارية.معلش إذا طولت عليكو..كل سنة وانتوا طيبين وكل سنة ومشروع دكتور افضل واقوى.. المهم ماتنسوش اخواتكم الكبار الغلابة بتوع سادتة قديم..دعواتكم معانا وابقوا تعالوا زوروناااااا.

عملت مدونة جديدة ابقوا زرونى باى باى

اهلا بيكم جميعا اخبار الصيام والدراسة معاكم ايه انا عملت مدونة جديدة اسمها marshall – 044
انا فى انتظار تعليقاتكم الظريفة على ومضوعاتى

مشروع دكتور ------- الاتحاد

اول يوم فى الكلية كان يوم جميل جدا ، واضح فيه التعاون وبداية مبشرة

.

مابين الاتحاد وأسرة مشروع دكتور

انا ووليد عبد المحسن

هيثم حسام ومحمد عبد الوكيل

اتوقع انشاء الله ان الأسرة والتحاد يكون لهم أنشطة مشتركة ويكون فى

تعاون أكتر ، واتوقع تعاون مشترك مع الجمعية العلمية كمان

يمكن القيادات اتغيرت

بس التنافس شىء جميل وكله بيصب فى مصلحة النشاط فى الكلية

دعاء

اللهم يسر لمشروع دكتور الإجابة

وأكفهم شر الكآبة

وإن تعذر عليهم سؤال

فأمطره يارب عليهم من سحابة

انتقال

صباح الفل عليكو جميعاً

.

تم انتقال نشاطي مناصفة بين مدونتي قلوب حائرة

.

و بين مدونة الحنين للذكريات التي بيني و بين أختي

.

يلا كله يتوجه على هناك

.

أو ممكن تعدي على القلوب الحائرة

الصمود

سلامو عليكو الى كل مشاريع مشروع دكتور عبد النعيم يحييكم من وسط معمعة الأطفال
وبيقول لكم انه صامد
لحد دلوقتى تحياتى الى مشاريع سنة ساته انتم رمز الصمود والكفاح فى الأسرة
ربنا وحده يعلم قد ايه احنا بنتعب فى الكلية دى
اللى مهون عليا كل التعب ده انى شايف الأسرة والحمد لله بتتقدم كل يوم
خاصة بعد النتيجة لما نزلناها على
الموقع والناس استفادت من مجهودنا
بجد انا سعيد بالأسرة
انا كمان عملت نيو لوك جديد لمدونتي
ونزلت بوست جديد ياريت تشرفونى
هنـــــــا

ابو المجد يحييكم من معسكر شباب المستقبل بأسيوط

الايام دى انا بأقضى احلى ايام حياتى فى اسيوط
انا خلصت معسكر شباب المستقبل واليوم هأسافر معسكر لبور سعيد( ماحدش عاوز يشترى حاجة من هناك)؟
ياريت يتصل بى (للى عارف الموبايل بتاعى بس))
مبرووووووك للناس اللىنجحت فى الامتحان وربنا يوفق كل واحد بيمر بظروف وحشة اليومين دول
بجد بجد بجد والله وحشتونى كلكم
نفسى اسمع صوتكم كلكم واشوف اشكالكم اللى زى*******العسل

الي مشاريع الفرقة السادسة

السلام عليكم ورحمة الله

ياجماعة مراجعات الدكتور العسيلي يوم السبت4\8 الساعة العاشرة

بالمتحف بقسم الجراحة

مراجعات الات واشعة وجار

والحاضر يعلم الغائب

الكلام اكيد ان شاء الله نزل اعلان بالقسم

تمنياتي للجميع بالتوفيق

والسلام عليكم