دكتور الحقني

اناعايز اتكلم عن حالنا كاطباء في مصر طبعا مش هعمل فيها عنترو اوجع دماغكو بكلام تعرفوه اكتر منى بس حصل موقف حسيت منه شكلنا ايه في البلد دي
واحد وكيل نيابة ما جابش 25 سنة كان اخوة متعور جرح بسيط جدا دخل استقبال احدى المستشفيات و كان احد النواب موجود فقام يشوف الواد ماله شخط فيه وقاله روح يالة هات دكتور كبير انت مش عارف انا مين ؟ انا فلان وكيل نيابة اجرى هات دكتور كبير فطبعا طبيبنا الغلبان فاكر نفسة 5 رحالة فبعض و زعق هوة كمان فالبية الاخصاءي قام يشوف فية اية ولما عرف قالة اسفين يا بية ماتزعلش سعادتك فصاحبنا فرد بزيادة وشتم اخونا الغلبان و اهانة اهانة شديدة وتوعدة انة هيضيع مستقبلة و انتهى الموقف ليفاجا صاحبنا صباح يوم النبطشية باستدعاء من مامور القسم فلما اتجه الى القسم فوجيء ان فلان بية مقدم فيه بلاغ انه اهان جهة سيادية <القضاء يعني> والمامور قالة صفي امورك معاه يا دكتور دى بيشتغل كدا و ابوة يبقى فلان وعمة يبقى علان
يبقى انت اكيد اكيد في مصر

من موقع اطباء بلاحقوق
لو واجد ممكن يصاب بالاحباط بجد بلاش يدخل نصيحه مجرب

http://www.atebaabelahokook.blogspot.com/

وكل طويل فيه اللي أطول منه !! ـ

في يوم من الأيام في سالف العصر والاوان ..... كنت ماشي انا وعماد وعمرو ابو الحسن وحازم

ماشييين لا بينا ولا علينا ..... وفجأة انشقت الارض عن شخص طوييييييييييييييل وعملاق ....... الأغرب ان البيه حازم نفضلنا مرة واحدة وراح مشي معاه ( الظاهر ان الطوال ما بيمشوش غير مع الطوال !! )

عمرو ابو الحسن كان ماشي معاهم في الأول بس نفضولوا خالص
و عماد حب يزيط في النص وراح مشي وسطيهم ... وبقي المنظر زي ما انتوا شايفين

عمو الدكتور حازم شكراً عالتنفيضة وبحب اهديلك ابيات الشعر بتاعت عمك عمرو ابو الحسن

وإنـــي كلـمـــا أحسست أنـي طـــــويل لا ينافـســني قـــوام
أتاني( حازم) فيخــــيب ظني ويغدو الكون من حولي ظلام
فــــلا تفـرح بطولك قد رأيت طــوال القـــوم أكثرهم لئـــام

.............................

أحمد موافـــــــــــــــــــي

اللهم إني أشهدك وأشهد جميع خلقك أنه لولاك لكان حالي في الجراحة غير الحال ولكان مأالي فيها إلى زوال....فأنت سترتني على تقصيري ونصرتني وأنا الذليل...فلك الحمد كما ينبغي لجلال وجهك ولك الشكر حتى ترضى ...فأتمم على وعلى رفاقي سترك ونعمتك وكرمك يا أرحم الراحمين........عبدك عمروأبوالحسن

رجاء ترك تعليق

كان يوم الأربعاء أول يوم عندى فى الباطنة الخاصة ،،،كنت فى سكشن كارديو ولما خلصت السكشن توجهت،، لا بيا ولا عليا،، الى رعاية الشباب أستطلع الأمر
فوجئت بخناق وزعيق وضجة وشتايم طايرة هنا وهناك والناس عماله تسألنى رأيك ايه فى اللى حصل ،،، ارد عليهم وأقول هو ايه اللى بيحصل ،،، كنت زى التائه وسط الزحمة
دنا حتى لقيت واحد صاحبى كان نازل فى الانتخابات وسألته ،،،، هو فى ايه،،،، قام راح زقنى وقالى هو أنا فضيلك
مسكتش ،،،،، سألت واحد تانى قام قال لى ،،،،اديناه صابونه
علامات الاستفهام بدت تلف حوليين راسى ،،،،، هما بيوزعوا صابون بدل العصير اليومين دول
بعد عناء طويل فهمت الحكاية
الغريبة ان اللوحة القماش كانت متعلقة قبل يوم الأربعاء
على أى أساس تم اختيار اتنين من كل لجنة ليمثلوها ؟

على رأى عبد الحليم
عدى النهار والمغربية جايه ،،،، تتخفى ورا بحر الشجر
وعشان نتوه فى السكة ،،،، شالو من ليالينا القمر
وبلدنا على الترعة ،،،، بتغسل شعرها
جاها نهار،،،، مقدرش يدفع مهرها

لمزيد من التفاصيل تابعوا التقرير المفصل لخالد عبد الناصر على منتدى مشروع دكتور هـــــــــــــــنا

إوعى ترمي الزبالة على الأرض

اضغط هنا

النشيد الوطني لمشروع دكتور

احنا شباب مشروع دكتور اللي واقفين قصاد عينيك

مشروع دكتور اجمل صحبة اجمل اسرة من حواليك

فينا الاديب فينا الفنان فينا الممثل مسرحي

في الكمبيوتر عفاريت فينا الجريء والمستحي

احنا شباب مشروع دكتور اللي واقفين قصاد عينيك
مشروع دكتور اجمل صحبة اجمل اسرة من حواليك

شعارنا فكر مع الابداع ويامحلاه التعععاون

مادام الحب راسمالنا هنتضامن هنتضامن

هانت ياسنة سادسة

كلها ايام قلاءل وتخلص الجراحة وتتفضلكم الباطنة يا معلمين

وانا حاسس انها هتكون افضل بكتير ربنا يوفقكم

وحشتونى كلكم

عدى رمضان والعيد

واكيد الامتحانات هتعدى على خير هى احسن منهم يعنى؟!)

ليه ما نبقاش اخوات ؟؟....

الكل بيسمع الكلمتين دول لكن مين بيطبق

لو كل واحد فكر شوية هيعرف معنى الكلمة دى وتأثيرها على علاقة الناس ببعضها

انا اللى اعرفه واتربيت عليه ان لما يكون معايا مشكلة باروح وافضفض لاختى ا او اخويا

مش شرط يكونوا اخواتى الشرعيين لكن اللى اعرفه ان الاخ هو اللى يشيل عنك همومك ولو احتاجته فى اى لحظة تلاقيه قدامك

مش بس كده

لكن اخوك هو اللى لما تحتاج نصيحة يديلك ولما تغلط برضة يديلك(فوق دماغك) اهم حاجة انه بيخاف عليك

لكن للاسف اشخاص كتير بيمشوا الحياة كلها مصالح

انا بأقولهم ماتحاولوش تقربولى

واحسنلهم يتقوا شرى.....

و أخيرا....منتداكم

منتدى أسرة مشروع دكتورمستنيكم

بليز روحوا سجلوا و ضيفوا موضوعاتكم هناك

كل سنة و انتو طيبين

راضــــــــــــــــــــــــى

عيد سعيد

من دولة الكويت

أحييكم بأجمل و أعذب و أرق التحيات

و الله وحشتوني و حشتوني وحشتوني

بس مش حشمت الأعادي فيا ( عبد الراضي و عبد النعيم) و أقولهم اني زهقان و عايز أرجع

لأن ده الحمد لله محصلش. لكن بجد وحشتوني

و كل سنة و انتو طيبين و عقبال مليون عيد و احنى فرحانين و متجمعين مع بعض

ربنا يوفقكو في النشاط و انا زي ما قلت انا معاكو قلبا و قاليا و والله نفسي اشتغل معاكو في كل حرف بيتكتب

ِلكن ربنا يجمعنا في نشاط جي ان شاء الله

و حنلاقي بقية في حياتنا تكفي نعمل انشطه لحد لما نجيب آخرنا ان شاء الله
و علشان ما اطولش كل سنة و انتو طيبين
و ذنب مغفور و صوم مقبول و عمل منظور في رمضان ان شاء الله

و عيد سعيد و كحك شديد و عيدية كبيرة ان شاء الله
يلا سلامو عليكو

و زي ما قلت محدش ياخد و يفرقع الصواريخ بتاعتي

محدثكم من امام شاشات الكمبيوتر هيثم المنشاوي ... مراسل أسرة مشروع دكتور......دولة الكويت

العيد هايبقى بهجه وسرور مع كتاب الجراحة المنصور

كل سنه وانتوا مسرورين ياطلاب سادسه المقهورين

تخاريف طالب مقهور

كل سنة وانتم طيبين

من تحت أنقاض الجراحة

السلام عليكم ورحمة الله وبركاته..ده اول رسالة بابعتها بعد خروجي (المؤقت) من معمعة الجراحة..الحمد لله..بعد ماتش ساخن جدا مع الجراحة على ارضها ووسط جمهورها اقدر اقول اني خرجت متعادل ومحدش فاز على التاني لغاية دلوقت وربنا يستر في ضربات الجزاء الترجيحية اللي بعد العيد (اقصد امتحان الحالات طبعا)..بعد غياب فترة طويلة من الدخول على الموقع فوجئت بحاجات جميلة ورائعة عملوها الشباب الصغيرين (محدش يزعل من كلمة صغيرين).. الله ينور عليك ياعبد الراضي انت وعبد النعيم والمنشاوي وهيثم حسام وابو المجد ومنساش طبعا آنسات مشروع دكتور..ماشاء الله عليكو كلكم..عاملين شغل جميل في الكلية وفي الموقع ده غير المنتدى الجديد اللي عامله عبد الراضي..بجد انا فخور بيكم وبانتمائي للأسرة دي.مانساش أرحب بالأعضاء الجدد في الأسرة اللي بادئين بداية ساخنة جدا وعاملين شغل جامد انا شفته في الكلية بعد الامتحان .. بس المهم الاستمرارية.معلش إذا طولت عليكو..كل سنة وانتوا طيبين وكل سنة ومشروع دكتور افضل واقوى.. المهم ماتنسوش اخواتكم الكبار الغلابة بتوع سادتة قديم..دعواتكم معانا وابقوا تعالوا زوروناااااا.