إلي أبنائنا في القاهرة

بكره لما الشمس تشرق

بكره تسأل..كان ف أسيوط

كام ملك علي عرشهم ...راحوا فين ؟

سابوا أيامنا و لمتنا وضحكتنا لمين ؟

....والحنين

!!!!هل يجيبهم لينا تاني ؟

كل سنة وكل مشروع بخير

بمناسبة احتفالنا بعيد الميلاد التالت للموقع كل سنة وكل مشروع ومشروعة طيبين وبخير

مشروع دكتور بالنسبة لنا مكانش مجرد أسرة ونشاط وخلاص .. الموضوع كان أكبر من كده

عارفين أصعب شئ كان بالنسبة لنا ايه ؟ كان افتقاد الذات في كلية رتيبة وطويلة ؟

ان احنا حاسين ان جوانا طاقات كتير بس مش عارفين نطلعها

لسه فاكر كويس وأنا في سنة تانية لما رحت اشترك في معمل الكمبيوتر في الكلية وقالولي " روح يا شاطر هات ما يثبت انك تعرف ويندوز !! " روتين ورتابة في كل شئ أنا أزعم بدون مبالغة إن أي نشاط في كليتنا قبلنا كان علشان أغراض تانية تظبيط انتخابات وغيره ..

بالنسبة لي أنا مش قادر اقلكم الاسرة غيرت مني ازاي زي ما غيرت في ناس تاني كتير

ـ في الاسرة دي اتعرفت علي زملا ولاد وبنات بحس بجد انهم اخواتي

ـ في الاسرة دي اكتسبت حاجة مهمة جدا وهي فن التعامل مع الآخرين انا فاكر كويس زمان ما كنتش بعرف اقول كلمتين علي بعض ومهارات شخصية كتير اكتسبناها .. ـ

ـ في الاسرة دي حسيت اني الهواية ليها قيمة .. ـ

ـ الاسرة دي علمتنا انكار الذات كلنا بنشتغل لصالح كيان واحد وهو " مشروع دكتور " ما حدش فينا بيدور علي مناصب ولا مجد شخصي

ـ اللي أكتر من كده الاسرة دي جمعت ناس ببعض وارتبط مصيرهم ببعض وربنا يوفقهم

ـ مش هقدر أوصفلكم يا مشاريع احنا تعبنا ازاي في البداية علشان نعمل كيان اسمه " مشروع دكتور "

ـ بجد بجد كل اللي بنطلبه منكم سيبكم من اي تفاهات وحافظوا عالكيان ده

للأسف انتوا مش هتحسوا بقيمة الكلام ده غير لما تخلصوا وتبصوا لصوركم وتتحسروا عالذكريات فحرام تضيعوها

يا ريت تكونوا فهمتوا كلامي ده

وبعد سنوات الدراسة الطويلة في الكلية ..مزعلتش على حاجة سبتها قد ما زعلت على الأسرة

احنا خلاص راحت علينا وكبرنا هناخد زمننا وزمن غيرنا .. بس ياريت تفتكرونا بالخير

WOW

ألف ألف ألف مبروك على

التمبليت الجديد للمدونة

أكثر من رائع بل أكثر من ممتاز

دعونا نملأ قلوبنا حبا لمشروع دكتور

و ممثليها

الموقع ، المدونة ، المنتدى

يا تري بيقولوا لبعض ايه ؟!! ـ

صورة التقطت علي خوانة للمزيط والمزيط المساعد عفوا قصدي مقرر ومقرر مساعد الأسرة وواضح ان الحوار كان هادي وديمقراطي خالص !! ... بس يا تري كانوا بيقولوا لبعض ايه ؟؟!! ... ـ

كل سنة وأنت أحلى

كل سنة وأنت طيب

كل سنة وأنت أحلى

كل سنة وأنت أجمل

كل سنة وأنت غالى

يـــــــــــــــــا غالى

يا رب ....كل الناس تكون لسة عارفة كده

واللى مقصر معاك سامحه

يا رب كل الناس ترجع تعيش في حضنك الدافي من تانى

وتحب بعض ...وتسامح بعض ...زى ماأنت بتسامح

احنا آسفين على اهمالنا معاك وتقصيرنا في حقك

موقعنا الجميل الغالى

www.DOCPROJECTONLINE.com

تحية عرفان وتقدير ..إلى روح الموقع وملهمه الأول......السِيد/ أحمد موافي

حاجة تكسف

يخرب بيتك يا نعيم....أنت عملت ايه؟؟؟
صورك مالية المواقع والمنتديات

في أكتر من دولة وكمان جوايز للى يبلغ
للدرجة دى أنت خطير؟؟؟؟؟؟

ولسة ياما نشوف

الحمد لله

الحمد لله

مبروووووووووووووووووووووووك يامصر

عشنا في الأيام الأخيرة أيام جميلة مليانة بالفرحة بدأت برحلة الأسرة الجميلة للقاهرة واسكندرية واخرها فوز منتخبنا الوطني بكأس الأمم الأمم الأفريقية بعد ماتش رائع مع الكاميرون

أولا وأخيرا نشكر الله على هذه الأيام السعيدة وعلى هذا الانتصار الكبير

ماتنسوش تدعوا لاخواتكم الكبار بتوع سادتة قديم انهم يحققوا انتصار هم كمان في النتيجة ... ويارب أيامكم كلها سعادة وفرح.. وانتظروا صور الرحلة قريبا

بخصوص المنتدى

المنتدى في القريب العاجل حيتصلح إن شاء الله

المشكلة كلها إن النت في مصر و الشرق الاوسط خربان و ذلك بسبب إنقطاع كابلين بحريين عن الاسكندرية

فا أول ما يتصلحو و النت يشتغل أو النت يشد حيلو شوية حتلاقو المنتدى إتصلح و بيشتغل على طول إن شاء الله