.jpg)
في يوم من الأيام في سالف العصر والاوان ..... كنت ماشي انا وعماد وعمرو ابو الحسن وحازم
ماشييين لا بينا ولا علينا ..... وفجأة انشقت الارض عن شخص طوييييييييييييييل وعملاق ....... الأغرب ان البيه حازم نفضلنا مرة واحدة وراح مشي معاه ( الظاهر ان الطوال ما بيمشوش غير مع الطوال !! )
.jpg)
عمرو ابو الحسن كان ماشي معاهم في الأول بس نفضولوا خالص
و عماد حب يزيط في النص وراح مشي وسطيهم ... وبقي المنظر زي ما انتوا شايفين
و عماد حب يزيط في النص وراح مشي وسطيهم ... وبقي المنظر زي ما انتوا شايفين
عمو الدكتور حازم شكراً عالتنفيضة وبحب اهديلك ابيات الشعر بتاعت عمك عمرو ابو الحسن
وإنـــي كلـمـــا أحسست أنـي طـــــويل لا ينافـســني قـــوام
أتاني( حازم) فيخــــيب ظني ويغدو الكون من حولي ظلام
فــــلا تفـرح بطولك قد رأيت طــوال القـــوم أكثرهم لئـــام
.............................
أحمد موافـــــــــــــــــــي
12 comments:
حلوة القصة دى يا موافى.فى مقولة بتقول (الطيور على أشكالها تقع)واضح أنها صحيحة.
لعمرو أعتقد أن المقولة بتقول (كل طويل هبيل وكل قصير مكير....)أنا مش بغلط فى حد يا جماعة ده المثل بيقول كده
ممتع
هو احنا فينا من كده يامان
موافى انت ديما معودنا الحاجات الغريبة والغير متوقعة منك
بس نعمل ايه
انت زى الملح لما يزيد بيضر بس لازم تكون موجود
beauty_caso
متنسيش انك مش طويلة
واللجنة الفنية السنادى فى الأسرة فيها قصيرين بس
غريب مش كدة
تحياتى
وااااااااااااااو
لذيذ قوي الموضوع ده
مفاجاة من موافي
بس انا عايزة اقوللك ليه حازم نفض لكم
لانه يعيني عنده عقدة زيادة
ونفسه يحس بالنقص في الطول شوية
لانه مش بيجرب الاحساس ده غير مرات معدودة ياعيني
روح ياحازم ياابني
ربنا يكرمك
بعروسة اطول منك
تحسسك علي طول انك قصير
يل موافى
الطول فخر و القصر عار
أوعى تمشى فى الشارع لوحدك يا موافى
ماشي ياموافي.. هي دي اخرتها.. بس انا عاذرك بعد ما سيبتك وكانك مش موجود ورحت مشيت مع صديقي الطويل... بالمناسبة صديقي ده يبفى محمد من كلية تجارة وأحد نجوم فريق الكرة الطائرة في الجامعة عرفنه لما كنت بتدرب معاهم.
بس عايز أقول رساة موجزة إلى كل القصيربن في العالم..كفاية بقى غيرة وحقد على الطوال..مش كفاية كل حاجة دلوقت معمولة على قدكم من اول الابواب في المحلات والعمارات لغاية وسائل المواصلات.. حتى الشجر في الجامعة بيتقص بحيث ميعديش من تحته حد أطول من 165 سم.. ده غير سراير الكشف وطربيزة العمليات في المستشفى. يعني كل حاجة بقى فيها تعدي على حقوق الطوال ومع كدة صابرين ومستحملينكم وبرضه مش عاجبكم وبتتريقوا علينا.
عموما انا عاذركم عشان عقدة النقص اللي عندكم نسيتكم ان الأصل في الانسان الطول وان القصر هو الدخيل على البشرية..وكل شوية الأجيال الجديدة اقصر من اللي قبلها لغاية يوم القيامة اللي هاتقوم على شرار الناس اللي هيكونوا طبعا (قصيرين)وهيكون اخيار الناس (الطوال) اختفوا. انا مش هدافع عن الطول لان كلكم من جواكم عارفين ان هو الأفضل وكلكم تتمنوا لو كنتوا أطول من كدة لكن بما ان العوامل الفسيولوجية مش هتسمحلكم بكدة مفيش قدامكم غير انكم تعيبوا في الطول والطوال تبعا للمقولة المأثورة (ما طالش العنب قال ده طعمه مر) وشكلنا هنشوف اجيال مش هاطول شجرة العنب ولا حتى شجرة الخيار اللي هي أصلا قصيرة..
موافي.. ادا كانت الفضايح عندك صور فانا عندي فضايحك فيديو خلي بالك من نفسك.
مريم..شكرا على التعليق وبالنسبة للطيور..الطيور الطويلة زي النسر والصقر هي رموز القوة والانتصار.. عمرك شوفتي بلد حطوا صورة عصفور قصير على العلم بتاعهم.
دعاء..انا عارف سبب تحيزك للقصر..عشان انتي من كتاب القصة (القصيرة)...مش عارف بتدعيلي ولا بتدعي عليا بس لو لقيتيها بلغيني.
ابو الحسن.. هرد على شعرك بشعر برضه.. لو تقتكر الخنساء وهي بترثي صخر اخوها قالت ايه:
أعيني جودا ولا تجمدا...ألا تبكيان صخر الندى
ألا تبكيان الجريء الجميل...ألا تبكيان الفتى السيدا
(طويل)النجاد رفيع العماد...ساد عشيرته أمردا.
خد بالك من (طويل) دي.
نعيم وراضي...شكرا على المؤازرة..
إلى الجميع...اتقوا شر من اقترب من الأرض.
مكنتش أعرف ان ردودك هي كمان طويلة
حازم ايه ياااض الرد الطويل ده كله ... تنفع محامي فظيع ياااض.... ـ
بس ابقي افتكر القاعدة الشهيرة اللي قلتهالك زمان !!! ـ
ايه ده يا حازم
كل ده شايله في نفسك..........كويس ان انت فضفت ومتشيلش في نفسك اوي كده علي كل حاجة ومتحطش في بالك الناس دي بتحقد عليك
ملحوظة/:انت قولت ان الرسالة موجزة متهيالي انها مش موجزة خالص ولا المصطلحات عند الناس الطويلة بتفرق؟؟؟؟؟؟؟؟؟؟؟؟؟؟
ياه يا حازم كل ده..أنت ما صدقت على فكرة أحنا مش بنتريأع الطول ومتنساش أن ...الطول هيبة والقصر عيبة...وطبعا أولا وأخيرا الحمدلله ع كل شىء
المثل يا بيه بيقول طويل واهبل وقصير وعبييييييييييط مش مكير ها فهمت ولا اعيد تانى ومتغلطش فى الطوال طول ما انا دخلت المنتدى ده
Post a Comment