في كتبنا كلام وكلام
بيخلي العقل الصاحي ينام
في كتبنا كلام بيبهدل فيك
ويقول الطب ملهش شريك
هتذاكر بس هتبقي تمام
وف وسط هموم الكلية
حبة شبان مية المية
طلعوا يقولوا
محناش طواحين
محناش عايزين
في دماغنا كلانم الطب وبس
لو كده يبقي احنا ناقصنا النص
وبعزم الشبان وحماسهم
اختاروا محروس يبقي رئيسهم
عملم اسرة
صبيان وبنات
عملولهم لوجو طبق بنور
والاسم صبح مشروع دكتور
أيامها انا كنت صغيورة
عايزة اكون مشروع دكتورة
وبدأت رسايل بقي ع النت
وشوية لقيت م الاسرة ردود
حسيت الدنيا مهيش سيعاني
وخلاص رح اسيب الوحدة
ومش هحزن تاني
اول ماالأسرة قالت تسجيل
فجريت سجلت
منا روحي هنا من وقت طويل
محروس بعديه حمل الراية
راجل مشروعجي صميم
يتقاللوا مجازا يانعيم
***********
مشروع دكتور
الضحكة الصافية الملفوفة ف ورقة سلوفان
مشروع دكتور
الصحبة الدافية اللي ماتعرف حرمان
فاكرين
المعرض واللوحات
والشعر المكتوب ع الحيطة
فاكرين المزيكا والزيطة
القافلة الطبية
واللمة الحلوة حوالين العسل السود
والجبنة الحادقة وفطيرة طرية
فاكرين
اللآي دي واليونيفورم
الاتوبيس والشجرة
والورق اللي عشان يتوقع
بيدوخ م الجدعان عشرة
فاكرين ايام الاسرة
بكره
لما تروحوا مكانكوا وتبقوا دكاترة
ويخش حياتكوا البيت والشغل واولاد
ويفرق بينا بلاد
امانة عليكوا ما تنسونا
قوموا هاتوا صورنا المركونة
وبلاش تطنيش
مين فينا يعيش من غير ذكري
بكره
هنخش الملتقي وندون
مشاعرنا من غير مانلون
مين مش هيكون مبسوط
لويلقي خبر مظبوط
عن ناس عشنا معاهم اجمل ايام
وهقول لكو ايه
يللا سلام
12 comments:
أختي العزيزة دعاء
أحمد الله أن كان لي الشرف بأن أكون أول المعلقين..وإن كنت استطعت أن أمنع بعض العبرات التي كانت تحاول النيل من مقاومتي..بجد كلماتك جميلة ومؤثرة..وعلى فكرة ..أنا بالذات شفت صحاب كتير وقليل في نشاط الجامعة وبراها بس زي مشروع دكتور...أبدا
وأنا من موقعي ده ببلغ جميع الوحدات إني إن شاء الله يستحيل أنسى أجمل أيام وأحلى ذكريات...يارب علطول نفضل سوا ونتواصل علطول وربنا يديم المحبة.....1
دعاء
بجد انا مش عارف اعلق على الكلام ده
بس حسيت معنى كل حرف منه
اتمنى روح الحب والتعاون تدوم في الاسرة علطول
يارب
دعاء مش عيب اني اقول اني بجد دمعت لما قريت كلامك وافتكرت الايام الماضيه
يا دعاء....مش كفاية انك خليتي القصاصين يختبئوا في جحورهم...كمان بالشكل ده الشعراء هيقعدوا في بيوتهم.....عموما أيتها الأديبة اللامعة طول ما مشروع دكتور فيها ناس زي دعاء أكيد هتكون في تطور مستمر
على فكرة الكلام دا جميل وانا فعلا على الرغم من انى مكنتش متداخل مع الاسرة بسبب سنة3 اللعينة بس بجد اناكتر شئ مفتقده فى اسيوط اسرة مشروع دكتور وعلى فكرة انا بفكراعمل فرع للاسرة فى طب عين شمس بس محتاج من محروس ونعيم انهم يشاركونى التخطيط وانا فى انتظار موافىوممحروس هنافى الدمرداش وعلى فكرة يادكتورة دعاء اللون الادبىالجديد يدل على انك فعلا كيان ادبى تحركه التجربة والعاطفة فتترجميهاالى كلمات... وان كانت القصة اثبتت ذلك بالفعل...وبصراحة الاسرة ..كانت هتخسر كتير من غيرك
عاء .... بجد انا فخور بوجود اديبة متمكنة زيك فى الأسرة
لك منى تحية وسلام
جمييييييييله الذكريات والايام اللي بينكوا
اوعوا تنسوها
وخبوها جوا قلوبكم ودفوها
طبعا كل اللي قبلي خلصوا الكلام... بس هقولك ان كلماتك البسيطة الجميلة خليتنا افتكرنا الصحبة الحلوة واخواتنا الصغيرين اللي مش ممكن ننساهم ونتمنى انهم كمان ماينسوناش..
بشكرك يادعاء على كلماتك الرقيقة اللي احنا متعودين عليها منك... وبشكرك كمان على فكرة الملتقى ده لأنها كنت فكرتك انتي من البداية..
انتي فعلا مكسب كبير لمشروع دكتور... ربنا يوفقك..
دعاء
بجد انا مش عارف أقول ايه .. انا اول مرة اعرف انك بتكتبي شعر .. آخر معلوماتى من ايام نادى الأدب السنه اللى فاتت انك بتكتبي قصة قصيرة .. تجربة جميله وكلمات جميله بترجع بسمة كنت نسيتها فى زحام الحياة بالقاهرة . أشكرك .. وأشكر نادى الأدب وأشكر أسرة مشروع دكتور وكل زملائي فى الكلية
د/ أحمد فؤاد الطويل
انا والله رغم انه لي فترة صغيرة معاكم الا انه انا وبقرا الكلام الجميل دا
حسيت انه الشهرين اللي فاتوا كانهم سنتين من الاحداث الجميلة والكتيرة اللي حصلت فيه
حلوه بس طويييييييييييله اوى
This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي
-
شات ارجوان الصوتي
شات ابها كام , شات صوتي , دردشة صوتية
شات مغربي - مغربي كام
شات صوتي تبوك
شات صوتي اماني كام
بنت جده الصوتي
Post a Comment